كود سبور//

غايدير المكتب المديري للرجاء الرياضي برئاسة عادل هالا أول اجتماع مع البرلمان ديال النادي، بعدما حيد محمد بودريقة من الرئاسة.

ومخصص الاجتماع بين المكتب المديري للرجاء الرياضي والمنخرطات والمنخرطين اللي غايكون الثلاثاء الجاي فأكاديمية النادي مع 7 لعشية، لتقريبهم من الوضع العام للنادي على المستوى التسييري والتعاقدي والمالي، وعلى الظروف العامة التي تعتري العملية التسييرية والتدبيرية إداريا ورياضيا.

ومعولين مكونات الرجاء الرياضي على هذا الاجتماع باش يعرفو بزاف ديال الحوايج على الملفات والتحديات اللي كيواجهها الفريق المقبل على المشاركة الإفريقية الموسم الجاي فدوري أبطال إفريقيا.