كود سبور//

مطالب عادل رمزي مدرب الوداد الرياضي أنه يلقى حل لغياب لكابيتان يحيى جبران اللي غيغيب على ماتش الفريق فجنوب إفريقيا أمام ماميلودي صن داونز ضمن إياب فينال السوبر ليك الإفريقي.

وتحدث عادل رمزي فتصريح لموقع “كود” وقال على جبران اللي خدا صفرا فماتش ذهاب الفينال: “جبران مهم لنا سوا كلاعب سوا كشخص.. غيمشي معنا لجنوب إفريقيا بالروح ديالو هو لاعب محترف كلشي اللي عندو كيعطيه للفريق وما غيبخلش على صحابو اللاعبين وغيعطيهم كلشي اللي عندو”.

وأكد عادل رمزي: “عندي الثقة فاللاعبين ديالنا كاملين وتواجد جبران معنا فالروتور غيعطي الثقة للاعب اللي غيكون لاعب فبلاصتو، دوماج غنفتاقدوه ولكن أنا ثايق فاللاعب اللي غيدخل بلاصتو”.