كود سبور//

أكد عادل رمزي مدرب الوداد الرياضي أن الجمهور د الفريق سند حقيق، وأن رئيس النادي سعيد الناصري كيحمي الواك من الأعداء اللي متربصين به، واستغلو الظروف ديالو باش يطيحو بالفريق ولكن ملي رجع بدات كتقاد الأمور.

وتحدث عادل رمزي، بعد فوز الوداد على مولودية وجدة ضمن منافسات البطولة الاحترافية، وقال فتصريح له: “المساندة ديال الجمهور ديما حاسين بها، اليوم ما كانوش حاضرين، كنظن أن الحضور ديالهم غيزيدنا قوة والوداد بلا الجمهور ديالو ما كاين والو”.

وكشف عادل رمزي: “أنا جيت لهاد الفريق بعدما اتصل بيا رئيس النادي سعيد الناصيري، نورمالمون كيكونو ليماندجر أنا دوا معيا الرئيس نيشان قلت له غنجي وشرف ليا ودوينا غير بجوجنا قاليا تكلف ليا وسط التيران وأنا غنتكلف خارج التيران”.

ووضح مدرب الوداد: “كان الفريق غادي مزيان وشفنا النيفو فالسوبر ليك الأفريقي، من بعد الرئيس ولظروف ما، بعد شويا بطريقة غير مباشرة الله يكون فعوانو، وتحكمو فينا الأعداء، راه كيفما الوداد عندو جمهور كبير راه عندو أعداء كبار وباغيين يطيحو هذا الفريق وكيستغلو ما أمكن هاد الشي، وملي رجع الرئيس سعيد الناصيري رجعت الأمور تقادات وصفات القلوب”.