كود سبور//
أكد عادل رمزي مدرب الوداد الرياضي أن الترجي التونسي بغاو يتحكمو فالماتش ضد الفريق الأحمر، ضمن ذهاب دومي فينال السوبر ليك الإفريقي ولكن ما قدروش حيث الواك كانوا واقفين.
وتحدث عادل رمزي بعد فوز الوداد على الترجي بواحد لزيرو وقال: “الترجي بغاو يديرو لنا جس النبض، وحاولو ياخدو المبادرة ويتحكمو فالماتش وبداو كيزعمو شويا باش يبريسيو ولكن حيث الدراري دياولنا دوميناو الماتش صافي بقاو متحكمين، راه الترجي ما كرهوش حتى هما يطلعو يلعبو”.
ووضح رمزي: “إذا كنت نحيد لاعب من وسط التيران نقدر نديرها مع خصم ضعيف ولكن مع الترجي غيربحونا فوسط التيران، ولكن وسط التيران راه قوي وغنوليو نلعبو كورات طوال ونخرجو على اللعب ديالنا”.