كود سبور//
اعترف عادل رامي الدولي الفرنسي السابق من أصل مغربي، أنه بقى فيه الحال حيث ما لعبش مع المنتخب الوطني المغربي، واخا جاتو الفرصة باش يلبس توني الأسود، وقرر يتسنى فرصة اللعب مع المنتخب الفرنسي اللي ربح معه كاس العالم.
واعترف عادل رامي بطل العالم مع فرنسا فمونديال 2018، وبأنه كان باغي يلعب للمغرب، وقال فتصريح له: “كنت باغي نلعب مع المغرب، وكان غايكون فخر بالنسبة ليا”.
وكمل عادل رامي وقال: “جاتني دعوة باش نلعب مع المنتخب المغربي، وكنت باغي نلعب مع المغرب، ولكن كلود بويل (المدرب السابق ديال ليل) هو اللي منعني وشحال بكيت”.
وأكد عادل رامي، أن الأندية والوكلاء والاتحادات ديال كرة القدم كاتضغط وعندها تأثيرها على اختيارات اللاعبين للمنتخبات اللي غايلعبو لها.