الرئيسية > آش واقع > عاجل. واش سالات مرحلة الياس العماري فجهة طنحة؟ تأجيل مفاجئ لاجتماع هاد اللجنة والغاء زيارة للصين والسيد ساد تلفونو =الوثيقة
26/09/2019 18:46 آش واقع

عاجل. واش سالات مرحلة الياس العماري فجهة طنحة؟ تأجيل مفاجئ لاجتماع هاد اللجنة والغاء زيارة للصين والسيد ساد تلفونو =الوثيقة

عاجل. واش سالات مرحلة الياس العماري فجهة طنحة؟ تأجيل مفاجئ لاجتماع هاد اللجنة والغاء زيارة للصين والسيد ساد تلفونو =الوثيقة

كود احمد الطيب ///

قبل قليل توصلو اعضاء مجلس جهة طنجة تطوان الحسيمة باخبار على تأجيل دورة عادية للجنة الاشراف والمراقبة بالوكالة الجهوية لتنفيذ المشاريع بالجهة.

التبرير اللي عطاوه وفق الرسالة اللي كتوفر عليها “كود” انه تقرر التأجيل بعد موافقة الرئيس لعدم تمكن اللجنة من اعداد الميزانية التعديلية عن سنة 2019 لتأجل لجنة الميزانية والشؤون المالية والبرمجة للمجلس. الاخبار رسلاتو مديرة اللجنة امال وحيد.

وفق مصدر “كود” فان هاد الشي غير كذوب. المصدر قال ل”كود” ان كاع الوثائق واجدة بما فيها الميزانية.

مصدر اخر ل”كود” اعتبر ان هاد التأجيل له علاقة بمستقبل رئيس الجهة الياس العماري “كاينة اشاعة على انو استاقل او غادي يستاقل. كاين اشاعة باللي ما بقاش مسموح ليه بمغادرة التراب الوطني. اللي اكيد انو كان غادي للصين ما بقاش غادي والاكيد ان هاد اللجنة اللي كيرأس اجتماعها مع والي الجهة خاصها تنعاقد فشهر شتنبر وفالاخبار ما كاين تاريخ. دابا باقي لهاد الشهر غير 4 ايام وما يمكنش تنعاقد فهاد التاريخ”.

الياس العماري ساد تلفونو ما كيجاوب حد. اللي معاه خايفين يهدرو حتى مع اعضاء مجلس الجهة. هاد الاعضاء تالفين ما عارفينش اش واقع فجهتهم وشي وحدين كيقولو باللي تخبرو باللي وقت الياس سالى.

موضوعات أخرى