عمر المزين – كود///

علمت “كود” أن شارع سان لويس اللي كاين فوسط فاس والقريب من ثانوية مولاي اسليمان، شهد مساء اليوم الجمعة، استنفار أمني غير مسبوق بعدما تشفرات فارماسيان من طرف شخص مجهول.

وحسب ما كشفت عنه مصادر “كود”، فإن الفارمسيان دخل عليها شخص كان داير اللثام، قبل أن يتمكن من السطو على مبلغ مالي فات 5000 درهم، بعدما هدد البنت لي كانت تما خدامة وهرب بالزربة.

الحادث خلق استنفار أمني وشوهد رئيس المصلحة الولائية للشرطة القضائية ورئيس فرقة محاربة العصابات فمكان الحادث، مع الإشارة أن المكان لي وقع فيه الحادث كيعرف ديما تحرك للمشتبه فيهم وكاين فيلا تما حداها مهجورة كيباتو فيها الشماكرية ديما وفيها ترويج المخدرات هادي مدة.