كود ـ كازا//
رفضات هيئة الحكم بمحكمة الاستئناف فكازا، اليوم، الملتمس ديال الدفاع باش يتعتقو ولاد لملايرية اللي متابعين فقضية رشق مستعملي الطريق السيار بالبيض والحجارة، وقررات تبقيهم رهن الاعتقال الاحتياطي.
المحكمة قررات تأجيل الملف حتى لـ13 مارس، باش يتوجد الدفاع وتكمل مناقشة القضية. هاد الملف مزال كيشد الاهتمام، خصوصا وأن هاد التصرفات الخطيرة فحق مستعملي الطريق العام خلقات ردود فعل قوية فالرأي العام.
القضية بدات باش قرر 7 لبراهش من اولاد لملايرية كيقراو فالمدرسة الامريكية يخرجو يخطفو بيض شي مسكين كيترزق وقصدو لوطوروت وبداو يلوحوه على مستعمليها
