كود كازا ///

فرنسا درات علي تصريحات مسؤول حكومي مغربي ل”جون افريك” حول العلاقات بين بلادها والرباط. وزيرة الخارجية الفرنسية كاترين كولونا قالت اليوم الثلاثاء أمام لجنة الشؤون الخارجية في الجمعية الوطنية باللي ما كتردش علي معلومات مجهولة المصدر٬ في اشارة الى تصريح المسؤول المغربي للمجلة الاسبوعية ووصف فيه باللي العلاقات بين باريس والرباط “ماشي ودية ولا جيدة. لا بين الحكومتين ولا بين الاليزي والقصر الملكي”.

رئيسة الديبلوماسية الفرنسية كانت كتجاوب على سؤال سولوه نواب فرنسيين ليها. قالت “ايلى قرينا تصريحات ما كتروقناش فالصحافة٬ فراها من مصادر مجهولة وعليه ما كتستدعيش تعليق محدد”.

كولونا اكدات باللي بلادها ملتازمة ب”ممارسة التهدئة” وقالت باللي علي هاد القبال سافرات للمغرب فدجنبر باش تم استئناف “علاقات قنصلية طبيعية”.

وكانت كولونا قالت علنات انتهاء العمل بقيود التأشيرات التي فرضاتها فرنسا وضرات بالعلاقات بينها وبين المغرب

لكن علاش المغرب رد ف”جون افريك”؟ رد على رئيس فرانسا ماكرون اللي قال فاجتماع سنوي مع السفراء ديالو باللي العلاقات مع القصر المغربي مزيانة وكلشي سمن على عسل.

لكن تصريح كولونا اليوم غير ديبلوماسي وصافي. ماكرون فزيارتو للغابون قال باللي بلادو ولات كتلعب دور محايد فالنزاعات السياسية الداخلية فافريقيا وباللي باغية تتواصل مع كلشي.

هادا فيه اشارة الى امكانية تغيير موقف فرنسا من قضية الصحرا

اذن العلاقات بين الدولتين واقفة وغادية وتتأزم