كود كازا ///

علمت “كود” باللي غدا لثلاث 11 يوليوز 2023 غيتقدم عادل العماري من “راديو مارس” ورئيس اولمبيك اسفي محمد حيداوي لوكيل الملك بابتدائية عين السبع فكازا.

بجوج كانت سمعات ليهم الفرقة الوطنية فاطار بحث بامر من النيابة العامة على ما يسمى فضيحة تذاكر المونديال.

البرلماني رئيس اولمبيك اسفي كان ورطو تسجيل صوتي كيهدر على تذاكر فماتش نص نهاية كأس العالم قطر بين الاسود فرانسا. الثاني كانو دارو معاه تحقيق على تحويلات من قطر لحسابات شي اقارب ديالو.

دابا غدا فالصباح امام هاد الصحافي ورئيس اسفي لكرة القدم اما المتابعة فحالة اعتقال او المتابعة فحالة سراح. مصادر ل”كود” استبعدات تكون فرضية “عدم المتابعة” بالنظر لطول التحقيقات وتوفر تسجيلات. طبعا هاد الاحتمال حتى هو قائم

رئيس اسفي كان قال باللي هو اللي شرا التذاكر بفلوسو ومن حقو يبيعهم ايلي ما استعملهمش. طبعا كتبقى تصريحات ايلى كانت مدعمة بوثائق راه ما عندو علاش يتقدم اصلا.

غدا نشوفو اش غادي يوقع فالصباح