الرئيسية > آش واقع > عاجل. شدو رجل الاعمال بنشرقي اللي دا ليه الطرمباطي شركتو “بروديك”. عندو 2.5 مليار شيكات بدون رصيد و5 سنين وهو هربان. اعتقالو غادي يفضح شبكات مافيوزية: كيفاش هرب لاسبانيا وكيفاش دخل واسرار اخرى
23/09/2020 22:00 آش واقع

عاجل. شدو رجل الاعمال بنشرقي اللي دا ليه الطرمباطي شركتو “بروديك”. عندو 2.5 مليار شيكات بدون رصيد و5 سنين وهو هربان. اعتقالو غادي يفضح شبكات مافيوزية: كيفاش هرب لاسبانيا وكيفاش دخل واسرار اخرى

عاجل. شدو رجل الاعمال بنشرقي اللي دا ليه الطرمباطي شركتو “بروديك”. عندو 2.5 مليار شيكات بدون رصيد و5 سنين وهو هربان. اعتقالو غادي يفضح شبكات مافيوزية: كيفاش هرب لاسبانيا وكيفاش دخل واسرار اخرى

كود كازا ///

علمت “كود” ان رجل الاعمال سعيد بنشرقي الباطرون السابق شركة الصباغة “بروديك” تشد هاد العشية فكازا. قصة رجل الاعمال العاشق للقصاير والنشاط تستحق تكون فيلم رعب وصافي.

كانت ليه شيكات بدون رصيد. شي كيقول 8.5 مليار وشي كيقول 2.5 مليار. موقعها كباطرون “بروديك”. هو كيتاهم الملياردير الجديد اللي عندو ناس كبار فالقضاء كيدافعو عليه٬ باللي قولبو وخدا ليه الشركة. طبعا فهاد الفيلم المتشابك كاينة خالتو وامو اللي حتى هما لعبو دور باش سعيد تمشي ليه الشركة.

هاد اليوم اللي تشد فيه حتى الطرومباطي كانت الفرقة الوطنية كتحقق معاه. واش تعتاقل الليلة ولا مازال التحقيق مستمر٬ غدا نشوفو

اللي كاين ان بنشرقي عندو غير شيكات. ما عندو تزوير لا غش ولا اي حاجة. غادي يقول للمحققين كيفاش خرج من المغرب وشكون خرجو وكيفاش دخل وهو مبحوث عليه.

اعتقالو غادي يكشف امور كثيرة وكلها فصالحو الى حل مشكلة الشيكات.

مصدر مقرب منو كان قال ل”كود” باللي الشيكات ديال الشركة وباللي كان تفاهم اللي شرى الشركة يشري شيكاتها وما تمش الوفاء بهاد الشرط

موضوعات أخرى