عمر المزين – كود///

أمر وكيل الملك لدى المحكمة الابتدائية بمدينة فاس، صباح هاد لاربعا 10 دجنبر، بفتح بحث قضائي تحت إشراف النيابة العامة المختصة، باش تعرف كاع الظروف والملابسات اللي عندها علاقة بفاجعة انهيار جوج ديور من 4 ايطاج ملاصقات فحي المسيرة بالعاصمة العلمية. فاجعة خلفات كحصيلة مؤقتة مقتل 22 شخص واصابة اخرين

هاد البحث القضائي غادي يشمل حسب مصادر “كود” الاطلاع على التصاميم اللي بيها تخدات رخص باش تبنى هاد الديور. غاديين نعرفو واش كان احترام القانون ولا لللا. كاع المدخلين غادي يتم الاستماع ليهم

وتوقعات مصادر “كود” يتم الاستماع حتى لبعض المسؤولين المحليين، فانتظار التأكد من المعطيات كاين حديث على وجود مخالفات خطيرة عندها علاقة بقوانين التعمير.