الرئيسية > آش واقع > عاجل. المليارديرة هند عشابي خرجات من عكاشة.. خلصات لطليقها اللي قولبها 42 مليون درهم وها اش قررات تدير
06/03/2019 13:56 آش واقع

عاجل. المليارديرة هند عشابي خرجات من عكاشة.. خلصات لطليقها اللي قولبها 42 مليون درهم وها اش قررات تدير

عاجل. المليارديرة هند عشابي خرجات من عكاشة.. خلصات لطليقها اللي قولبها 42 مليون درهم وها اش قررات تدير

كود كازا//

علمت “كود” ان المليارديرة هند عشابي غادرت، الاثنين الماضي، سجن عكاشة بكازا، اللي دخلات ليه بسبب شيك بقيمة 42 مليون درهم قدمو طليقها.

محامي المليارديرة رضوان الرامي كان دار بيان قال فيه بلي داك الشيك وقعاتو ف2016 فاش كانت مازال مزوجة بمحسن كريم بناني، ومدارتش فيه المبلغ، وهو استغل هاد الامر، وقدم الشيك ف 2019وتشدات، وإعتبر المحامي الفارق بين تاريخ الشيك المثبت وتاريخ صرفه يثير عدة إستفهامات.

ووفق مصدر كود، قررات هند عشابي بعدما جمعات الفلوس عن طريق بيع ممتلكاتها، تخلص الشيك، وتدعي طليقها باش تجرع حقها، بتهمة النصب وخيانة الأمانة.

موضوعات أخرى