كود كازا ////

كشف برنامج “360 مانيانيرو” على القناة الاولى الصبليونية قبل قليل اليوم 18 غشت 2026 باللي حكومة سانشيث الاشتراكية “كتوجد خطة ضد المغرب”. لخبار اللي قدموه على انو سكوب، كشف باللي الحكومة ديال مدريد طلبات تقرير على اعتماد الرباط على الصبليون فمجال الطاقة.

حسب القناة فهاد الطلب ضد ما سبق وصرح بيه وزيري الداخلية والخارجية ديال الصبليون اللي قال وصف بلادنا بالشريك الموثوق.

القناة تساءلات من خلال ضيوفها؟ واش المغرب باقي شريك موثوق بالنسبة لإسبانيا، ولا خاص مدريد توجد راسها لسيناريو آخر؟

وحسب مراسلة البرنامج ف”مونكلوا” مقر رئاسة الحكومة الصبليونية، فان هاد الدراسة غادية تكون واجهة فشهر شتنبر وباللي فيها تفاصيل على الكهرباء والطاقة واكد باللي هاد الشي ما كيعنيش باللي المغرب ماشي شريك موثوق