الرئيسية > كود سبور > عاجل. الفينال ديال كأس العرش نهار 18 نونبر فالرباط…لقجع: مالقيتش الحل لجوج فراقي
26/09/2019 19:00 كود سبور

عاجل. الفينال ديال كأس العرش نهار 18 نونبر فالرباط…لقجع: مالقيتش الحل لجوج فراقي

عاجل. الفينال ديال كأس العرش نهار 18 نونبر فالرباط…لقجع: مالقيتش الحل لجوج فراقي

مصطفى الشاذلي – كود سبور//

الفينال ديال كأس العرش غادي يكون فملعب المجمع الرياضي الأمير مولاي عبد الله فالرباط نهار 18 نونبر، هذا ما أكده فوزي لقجع، رئيس الجامعة فاجتماع المكتب المديري اليوم الاثنين.

لقجع أكد أن البطولة انطلقت بشكل عاد ودون أدنى مشاكل والماتشات ديال الكأس غادية حتا هي وفق البرنامج المسطر، وان المباراة النهائية غادي تكون فالرباط.

لقجع عبر عن أسفه لما يقع فالهواة، لي انطلقت بشكل عاد باستثناء جوج الماتشات فيهم مشاكل، وأكد “تعرض علي المشكل ديالهم وما لقيتش الحل ليهم مع كامل الأسف. نتمناو يكون خير”.

لقجع تكلم كذلك على الدورة التدريبية على تقنية الفار بالصخيرات، باش يكون حاضر فالقريب العاجل. وهاد التكوين غادي وفق الاستراتيجية لي حددتها الجامعة.

لقجع دكر الأعضاء الجامعيين وبعض الصحافيين، لي كانوا حاضرين لكلمته، قبل ما ينسحبو، أن المركز الوطني بالمعمورة واجد بنسبة مائوية كبيرة، بقات غير بعض الروتوشات قليلة وبعد الانتهاء منها غادي يستقبل گاع تجمعات المنتخبات الوطنية.

موضوعات أخرى

23/10/2019 12:41

شطابة أمنية كبيرة فكازا. الحملة اللي كالت «كود » أنها لاقت استحسان ساكنة العاصمة الاقتصادية طيحات 8225 ف 11 يوم وقادت لضبط عدد كبير ديال الأسلحة البيضاء