عمر المزين – كود //

طالب احد الرحل من السلطات عبر “كود” تدخل وتعاونهم وتنقذهم، واعاد فتصريح جديد لـ”كود” بلي الهيلوكبتر كادوز فوق منهم ولكن مشات لدوار تيكوكا ودابا كنتسنى اللي ينقدها”.

وفهاد الموضوع علمت “كود” أن فرق تابعة للدرك الملكي تعيش حالة استنفار قصوى للعثور على 5 رحل كانوا قد وجهوا نداء استغاثة عبر “كود” بعدما أكدوا أنهم بلا ماكلة وبلا غطي هادي يومين تقريبا فدوار تيشكا نايت تكسيت، جماعة ايمي ندونيت، دائرة مجاط اقليم شيشاوة.

“كود” عيطات لواحد فيهم قبل لحظات من كتابة هاد الأسر وأكد باللي عيطو ليهم السلطات وقالو ليهم باللي جايين عندهوم على مثن مروحية، مؤكدا باللي كان الريزو كان مشا عليهم ودبا عاد رجع عندهوم.

حنفي، احد العالقين، كان قال لـ”كود” :”ما عندنا لا ماكلة ولا ماء ولا والو.. يومين هادي ماكلينا”، موضحا ل”كود” بلي “هوما غير رجال ماكاينيش لا اطفال ولا نساء، ولكن كينين رجال فايتين 70 سنة وكيتعذبو فالبرد”.