كود: بوزنيقة //

فاز نزار بركة فانتخاب رئاسة الأمانة العامة لحزب الاستقلال بالإجماع بعدما انسحب المنافس ديالو رشيد افيلال.

أعضاء المجلس الوطني لحزب الاستقلال كانو متافقين على انتخاب نزار بركة وذلك قبل انطلاق المؤتمر، رغم تقديم مرشح ثاني لملف الترشيح ديالو.

نزار بركة شكر المنافس ديالو لي انساحب من سباق الانتخاب على مرشح الأمامة العامة، ووصف المنافسة مع أفيلال بالنزيهة.

بركة فالكلمة فالكلمة بعد الإجماع على ترأسو للحزب، قال بلي هادي تكليف كتر منها تشريف، وغادي يحاول صون الحزب ومحتاج فهاد الوقت للمناضلين ديالو.

وأضاف بركة، بأنو غايكون رئيس كل الاستقلاليين وغايحاول مع الحزب ديالو العمل باش يرجع حزب الاستقلال لمكانتو الطبيعية فالمشهد السياسي الوطني.