الرئيسية > آش واقع > عاجل.. إصابة المندوب الإقليمي للصحة بأكادير بفيروس “كورونا”
01/04/2020 11:08 آش واقع

عاجل.. إصابة المندوب الإقليمي للصحة بأكادير بفيروس “كورونا”

عاجل.. إصابة المندوب الإقليمي للصحة بأكادير بفيروس “كورونا”

عفراء علوي محمدي- كود//

توصلات “كود” بمعطيات كتفيد إصابة سعيد بوجلابة، المدير الإقليمي للصحة بأكادير ومدير المركز الاستشفائي الجهوي الحسن الثاني بالنيابة، أصيب بفيروس “كورونا” المستجد.

ولبارح الثلاثاء تم وضع بوجلابة فقسم الإنعاش بعدما شكو فإصابتو بالفيروس، وبعدما بانت عليه أعراض المرض وتدهورات الحالة ديالو الصحية.

وماشي غير المندوب الإقليمي اللي داروه فالحجر، لكن حتى طبيب مختص فالإنعاش وطبيبة فالأمراض الصدرية من نفس المستشفى ظهرات عليهم علامات المرض، ونتائجهم لحد الساعة مازال ماخرجوش.

وكايبان بللي المدير المندوب الإقليمي للصحة فأكادير والأطباء بجوج يقدرو يكونو خداو الفيروس من المرضى اللي فسبيطار الحسن الثاني، بحكم أن جميع المصابين بالفيروس فالإقليم كايتعالجو تما.

وكيستعدو كَاع المخالطين لهذ الثلاثة فالمستشفى باش يديرو التيست، ويعرفو راسهم واش تاهوما تقاسو بالفيروس ولا لا.

واتصلات “كود” بالمدير الجهوي للصحة باش تاخد مزيد من المعطيات فالموضوع، لكن الهاتف ديالو بدا يصوني بلا ما جاوب.

موضوعات أخرى

06/06/2020 12:00

اش واقع لهاد الحكومة؟ كيفاش باغية تغرق لبلاد وتسدها. شي سيناريوهات: حتى لشتنبر عاد تفتح الحدود وتونس 27 يونيو والصبليون 1 يوليوز

06/06/2020 11:22

باش هاد الحكومة فاشلة وغادية تجهل لمغاربة بتصرفاتها. علاش ما دارش احتجاجات كبيرة ضد هاد الحجر الصحي كل نهار بهاد الطريقة

06/06/2020 11:15

بنموسى ما خاصوش يطردوه على قبال شوهة اللقاء مع سفيرة فرانسا واش قالت.. بل على خروج هاداك بنادم يرد عليها بالفرنساوية واحتاقر كاع لمغاربة

06/06/2020 11:00

وسمعو يا تريكة الويل يا للي باغيين يقتلو المغاربة بهاد الحجر. خبير: الحجر الصحي يقدر يفقد فيها الرياضي قدرة التحمل ويحد من كفاءة القلب ويضعف الكتلة العضلية