كود – كازا ///

لجأت بلدية كاركاسون الفرنسية إلى استخراج جثة جندي مغربي بفرنسا مدفون ف مقبرة لا كونتي من 1997 بدعوى نهاية فترة الإمتياز، حسب ما نشرات جريدة المستقل الفرنسية.. الصدمة جات لأفراد عائلتو اللي كانوا مولفين يزوروه، لكنهم لقاو البلدية خرجات الرفات ديالو ودارتو في صندوق حدا القبر ديالو..

وحسب المصادر ذاتها، دارت البلدية هاد الفعلة دون ما يخبرو الأسرة اللي كتفكر ف اتخاذ إجراء قانوني واللي طلع ليها الدم من الطريقة والتعامل غير الإنساني مع جثمان الفقيد ديالها اللي كان عسكري وشارك في القتال مع الجيش الفرنسي..

ووفقا للجريدة ذاتها، تم منح الأسرة مهلة 24 ساعة لاتخاذ الخطوات اللازمة لنقل الجثة، لكن طلبهم بإعادة شراء الامتياز ترفض. دابا كتفكر عائلة العسكري ف إعادة الرفات ديالو باش يتدفن في المغرب واللجوء للقضاء للدفاع عن الحقوق ديالها بسباب عدم تلقي إشعار رسمي باستخراج الجثة.