وكالات//

تفاجأت العائلة ديال الممثل المصري الراحل سمير صبري بعدما تحطات لبرطمة ديالو في حي المهندسين للبيع في كَروب على فيسبوك.

لكروب لي كيعرض ديور ديال المهندسين لي كتعتبر من لبلايص لي كيسكنو فيها الناس لي لباس عليهم في العاصمة القاهرة، حط تصاور ديال برطمة سمير صبري وقال إنها للبيع.

الإعلان فيه ثمن الدار وتفاصيل لبرطمة وشحال فيها من بيت ومن طواليط وحتى الامتيازات لي معاها، ومقربين من سمير صبري أكدوا أن التصاور صحيحة وهاديك هي دارو لي عاش ومات فيها.

ولأن سمير صبري ما عندوش لولاد ولا الأسرة المقربة، فالعائلة لكبيرة هي الوريثة الشرعية فيه، هادشي لي خلا بنت خالتو تخرج وتقول للإعلام أنهم بصفتهم المالكين ديال الدار فراه ما كيفكروش يبيعوها نهائياً.