وكالات //
طالب راجل وولد “هالينا هاتشينز”، مديرة التصوير ففيلم “راست” اللي ماتت بالقرطاس بالخطأ على يد الممثل الميريكاني آليك بالدوين، بتعويض على الضرر الكبير والمعانات اللي كيعيشوها بعدما ماتت هالينا اللي كانت كتصرف عليهم.
المحامي ديال عائلة مديرة التصوير اللي ماتت قال بللي الممثل آليك بالدوين، اللي هو فنفس الوقت المنتج، تسقرم فالفلوس باش الفيلم يخرج بأقل المصاريف الممكنة داكشي علاش ماعطاش لسلامة الفريق أهمية كبيرة.
العائلة حاليا باغيين تعويض مالي على الضرر اللي عايشينو من نهار وقعات الحادثة المؤسفة شهر أكتوبر ديال العام اللي فات.
