وكالات//

خلا المغني المشهور جاستن بيبر لي فان ديالو فحيرة مرة اخرى نهار السبت، بعدما شافوه فمدينة نيويورك وكان باين عليه التعب للمرة الثالثة هاد السيمانة، وهاد الشي خلا شائعات كتدور حول العلاقة ديالو مع مراتو هايلي بيبر.

حسب “ديلي ميل”، نجم البوب اللي عندو 30 عام كان لابس حوايج مخربقين على غير عادتو.

وشافوه كيدور فشوارع مانهاتن لي فيها الزحام، ومن غير مراتو هايلي اللي ما كانتش معاه.

التعابير ديال الوجه ديالو  كانت فيها كآبة وإحباط حسب ما قالو المعجبين ديالو على مواقع التواصل الاجتماعي، وهاد الشي زاد من الشكوك حول سلوكو، وقالو إنه كيشكل ضغط على زواجه اللي داز عليه 6 سنين.

قبل هادشي بيومين، نهار الخميس، كان الكوبل نوضو الجدل بعدما شافوهوم وهما مفارقين فمطعم “بار بيتي” المشهور.