كود – وكالات //

كتشفو أطباء فـ صبيطار بإسرائيل جنين وسط مولودة جديدة، فـ ظاهرة نادرة كاتوقع مرة فكل 500 ألف حالة ولادة.

وحسب الجورنال البريطاني “ذا صن”، هاد البنيتة كانت تولدات فوقت سابق هذا الشهر، فمركز “أسوتا” الطبي فمدينة أشدود يإسرائيل.

وقال المستشفى، الثلاثاء، أن المسعفين كانو لاحظو، فالمراحل المتأخرة من الحمل ديال الأم، تضخم معدة الجنين (البنيتة) اللي كانت مازال ماتولدات.

وبعد ولادتها، تم فحصها بالموجات فوق الصوتية والأشعة السينية على الفور، ليكتشفوا داخل الرضيعة جنينا عمره 10 أسابيع.

وفالأسابيع العشر الأولى، الجنين تكون عندو الدماغ والقلب والملامح ديال الوجه والذرعان والرجلين، لكنها كانت صغيرة بزاف فالحجم بحال الكَومة ديال قلم الرصاص.

ومن بعد تبين أن البنيتة مزال فكرشها جنين واحد، بل 2 أو 3 ديال التوام، بحيث فاش دارو الخبراء عملية لإزالة الجنين، لقاو عندها جوج أكياس خرين.

وقال عمر جلوبس، مدير طب الأطفال حديثي الولادة فالصبيطار: “كان عندها كثر من جنين واحد، ومازال كانتحققو من هادشي، وكاين احتمال يكونو عندها 3”.

وهذ الحالة النادرة كاتسمى “جنين في جنين” (“Un fœtus in fœtu/fetus in fetu “FIF).