وكالات//

اضطر واحد البيلوط ديال طيارة تابعة لشركة “ديلتا” الميريكانية أنه ينزل في مطار نيويورك، بعدما كان غادي من بوستن لروما لواحد السبب غير عادي.

على حساب ماقال الجونال ديال “نيويورك بويست” الميريكاني، فهادشي جا من بعد ساعة على الإقلاع، والطيارة قلبات الوجهة ديالها من فوق البحر ورجعات للمطار ديال نيويورك.

وقال كذلك، أن السبب هو أن واحد المسافر جاه إسهال حاد، ودار كرشو في الكرسي وعطات ريحة خانزة بزاف مقدرش حتى شي واحد يستحملها.

وأكد نفس المصدر أن 281 من الركاب ديال هاد الطيارة نقلوهوم لطيارة أخرى، باش يكملو السفر ديالهم.