وكالات//

هبطات واحد الطيارة تابعة لشركة دلتا بشكل اضطراري في مطار نيويورك بعدما عطاو للركاب ديالها ماكلة فاسدة.

على حساب ماقال الجورنال ديال نيويورك تايمز، فهاد الطيارة لي كانت من طراز A330 قلعات من واحد المطار في المدينة مع 11 ديال الصباح، وهي تنزل في مطار آخر بعد دقائق قليلة من الإقلاع ديالها.

وكيقول الجورنال أن الطيارة كان فيها 277 راكب، ولحد الآن مزال ماعرفوش كيفاش اكتاشفو أن الماكلة خاسرة، وواش شي واحد كلاها، ولا واش شي واحد ديكلارا أنه تعرض للتسمم؟

ودابا بدات السلطات ديال ميريكان فأونكيط باش تعرف الحقيقة ديال هاد الواقعة النادرة في الطيران ديال ميريكان.