كود – وكالات //

طاحت طيارة عسكرية اليوم الاثنين 23 مارس 2026 فجنوب كولومبيا وهي هازة  125 واحد، و حسب المعلومات الأولية، تجرحو على الأقل 45 واحد على الأقل وماتو 80 واحد على ما قالت اورونيوز ، حتى لحد الساعة، ومازال السبب ديال الحادث ما معروفش تال دابا ،الطيارة كانت من نوع Lockheed C‑130 Hercules ووقع الحادث ملي كانت كتقلع من مطار مدينة Puerto Leguízamo القريبة من الحدود مع الإكوادور

https://x.com/i/status/2036109393998020936

وزير الدفاع الكولومبي  قال فموقع X أن الطائرة العسكرية ديال الجيش الكولومبي تعرضات لـ”كسيدة حايبو” وهي كتقلع،
من جهتو، رئيس القوات الجوية الكولومبية صرح فندوة صحفية أن الطيارة كان فيها 125 عسكري وتضرب منهم 45 واحد .

هذا ثاني حادث لطائرة نقل عسكرية من نفس النوع فـ أمريكا الجنوبية فاقل من شهر، حيث نهار 27 فبراير طاحت طائرة عسكرية بوليفية حدا لاباز  وخلات 24 قتيل.

طائرة هيركوليز C-130 معروفة عالمياً، وهي طيارة نقل عسكرية ب4 محركات كتستعملها جيوش بزاف ديال الدول، وكتقدر تقلع حتى من البيست وتهز العكسر و دجيبات.