كود – وكالات //

وقعات كسيدة يوم الأحد فمطار ميامي الدولي بمريكان، بعدما خرجات طيارة شارج تابعة لشركة أمازون من نوع بوينغ 767-300 مني كانت هابطة.

الطيارة اللي كانت جاية فـرحلة Prime Air رقم 7598 من مطار سان خوان فبورتوريكو، ما قدراتش تحبس فالمدرج وخرجات مني خرجات فلبيست، فين ضربات بعض الطوموبيلات اللي كانوا دايزين فالشانطي.

هذا الحادث خلا موت 5 ديال الناس وتجرحوا 5 آخرين، منهم ثلاثة حالتهم صعيبة .

https://x.com/fl360aero/status/2096760650290680036/video/1?s=46

السلطات دخلات كثر من 200 رجل إسعاف اللي واجهوا صعوبة كبيرة باش يسيطروا على العافية، واللي فيهم البيلوط والمساعد ديالو اللي حصلوا وسط الطيارة والعافية شاعلة فيها.

رجال الإطفاء استعملوا رغوة خاصة باش يطفيو العافية وحبسوا تسرب الفيول اللي كان كيشكل خطر كبير.