گود سبور//

كاتوجد الجامعة الملكية المغربية لكرة القدم، لتوديع المنتخب الوطني المغربي المسافر للميراكان للمشاركة فمونديال 2026.

وحسب ما توصل به جورنال “گود”، فالطيارة ديال المنتخب الوطني المغربي غادي تجي من كازال للرباط باش تهز بعثة المنتخب الوطني اليوم الاربعاء من مطار الرباط-سلا وتديهم فرحلة مباشرة لميركان، والطيارة تم تجهيزها خصيصا لهذا الشي.

وقبل منها من المنتظر يتلقاو لاعبين المنتخب الوطني المغربي مع أطفال وتلاميذ فمركب محمد السادس لكرة القدم، فخطوة الهدف منها تشجيع اللاعبين وفنفس الوقت يعيطو نموذج لهاد الأطفال باش حتى هما يحققو أحلامهم فالمستقبل.