فؤاد سمير – كود//

مراكش نتلقاو العام جاي. و نتمناو مع طابي روج محترم. صحيح أهل السينما و التلفزيون في المغرب باقين في مرحلة الانبهار بطابي روج. كل واحد و منذ سنوات يريد أن يجرب وصفة لكي يتميز. لباس غريب، تصريح غريب و و.
هادي سنوات و الله يسمح لاصحاب الميكروفونات الفيروسية و نحن مع أسئلة غريبة جدا. واش جبتي مرتك ؟ و علاش ما جبتيش ولدك ؟
صحافة يقال انها صحافة كتصور في طابي روج…كتدير صحافة السيلفي…و شوفوني. آلهم ألطف.
كاين شي ممثلين قفزو شوية. واحد جاب مراتو، بنتو، عكوزتو بقا لي غير الغارديان ديال الدرب.
وا العداو، وا عباد الله
عرفتي ملي شي فنان مشهور جدا كييغي يجيب ولدو لطابي روج. كيحسب كلشي. مرافق نفسي، مرافق مالي و و. واخا هادشي كامل دراسات علمية قالت أن في ذلك استغلال و تأثير نفسي خطير. مشاهير العالم كيربحو ورا ولادهم زبالة الفلوس و كيدوزو في طابي الروج و لكن راهم نادمين.
بأي حق تقحم طفلك إلى فنك؟ و غذا أليس من الممكن أن يصبح موضوع سخرية ؟ هل لك الحق أن تحول طفلك، زوجتك، بنت خالتك و و إلى تراند في تيك توك و هم يمرون على طابي روج ؟
واش عندك شي إبداع باش نبغيوك او تدغدغ المشاعر كما أصحاب الميكرفونات الممدودة. قليل حشمة ؟
هادي من جهة
من جهة أخرى
إدارة مهرجان مراكش ما خاصش تخلي اي واحد يدوز فوق السجاد الأحمر. عندو فيلم مرحبا، مشارك، منتج و و في فيلم مرحبا. ام فقط لانه ممثل و نديرو جبر الخواطر لا لا. لا نفاق في السينما.
مهرجان مراكش للسينما أصبح في سن الرشد، حان وقت رشد تنظيمي، في المضامين، إعلاما و أثرا.
فلوس كتخسر خاصها عائد رمزي، مادي، سينمائي…إبداعي…
في انتظار طابي روج روج روج نيت. مراكش تستحق قليلا من روج و هيا روج أنيق.