وكالات//
كيبان أن الممثل الميريكاني المشهور طوم كروز لقا الحب ديالو أخيرا، بعدما غاب على العلاقات الغرامية من هادي مدة طويلة.
على حساب مقال الجورنال ديال ديلي ميل فالممثل المشهور طايح فواحد الروسية سميتها إلسينا خايروفا وهي صغيرة عليه بـ25 عام.
طوم كروز عندو دابا 61 عام، وكيقول الجورنال أنهم شافوهوم متحابين في حفلة في دبي، وهاد البنت باها هو تاجر ألماس معروف في العالم.
كيقول التقرير إن هاد الروسية هي عارضة أزياء، دابا عندها الجنسية البريطانية، وكانت مزوجة من ملياردير روسي شرا ليها قصر بشي 30 مليار سنتيم.
غير باش نفكروكوم، راه توم كروز مارتابطش من 2012 فين علن الطلاق ديالو مع مراتو السابقة كاتي هولمز.
