كود سبور//

جوتا ليردام، البطلة الهولندية فالتزلاݣ السريع، لي ربحت الميدالية الذهبية فالألعاب الأولمبية الشتوية، دارت حركة ذكية خلاتها تربح تقريباً مليون دولار غير من عرض ديال الحوايج الداخلية ديالها من ماركة نايكي.

نهار الاثنين من بعد ما دخلات اللولى لخط النهاية فسباق 1000 متر وحققات رقم أولمبي جديد، لاحت فانستغرام الحوايج دخلانين ديال Nike. الصور انتشرات فالسوشيال ميديا، وحتى نايكي نشراتهم فحسابها فـإنستغرام لي فيه لـ300 مليون متابع.

حسب مؤسسة وكالة إشهارية لي متخصصة فالرياضيات، جوتا يمكن تكون خداّت تقريبا 850 ألف يورو غير من هاد اللقطة.  خبير آخر قال بلّي تقدر تربح تقريباً 62 ألف يورو على كل منشور فيه إشهار لنايكي فـإنستغرام، حيث عندها أكثر من 6.2 مليون متابع.

https://www.instagram.com/reel/DSVN-ADjSB8/?igsh=MXhzY2I1eWx5cmo4bw==

جوتا، لي عندها 27 عام ماشي غير بطلة رياضية، ولكن حتى ماكينة ديال الفلوس، حيت ربحات ذهبية فـ1000 متر وفضية فـ500 متر، وولات كتستافد من الرعايات والإشهار بطريقة احترافية، البطلة عشيرت اليوتيوبر والبوكسور المعروف  Jake Paul.

البكا ديالها بالفرحة من بعد الرباح، حتى هو استغلاتو شركة “هيما” باش دارت إشهار لواحد المكياج ديال العينين لي “كيبقى لاصق حتى مع الدموع ‘‘.

جوتا ليردام عرفات كيفاش كتكال الكتف مني استغلت الشهرة ديالها وحاولت تبروفيتي من الإشهارات بعدما ربحات الميداليات فالألعاب الأولمبية الشتوية، الشي لي خلا عندها بزاف ديال المعجبين وفنفس الوقت كاين لي انتقدها على استغلال الرياضة فتحقيق ارباح شخصية.