كود سبور//
أثارت الحافلات اللي خصصتها الجزائر للمنتخبات المشاركة فكأس إفريقيا للمحليين المقبلة على تنظيمها، الجدل وسط مختلف الجماهير الإفريقية والعربية.
الجمهور المغربي حتى هو كان من الجماهير اللي اندهشت من شكل الحافلات القديم اللي وفرت الجزائر للمنتخبات المشاركة فالنسخة المقبلة من الشان، خصوصا وأن النسخة قبل الماضية عام 2022 كانت بالمغرب وفر خلالها حافلات من أحسن ما كاين على الصعيد العالمي للمنتخبات الإفريقية من غير الاستقبال وظروف الإقامة المريحة.
وبدات كتبارطاجي الجماهير المغربية الحافلات الجزائرية المثيرة للسخرية على مواقع التواصل الاجتماعي، وكاين من الجمهور اللي بدا كيقارن طوبيسات ديال الكازا مع الحافلات المقرقشين اللي وفرت الجزائر فبطولة كأس إفريقيا للمحليين، وأن حافلات النقل العمومي ديال الدار البيضاء أحست وبزاف من الكيران ديال الجزائر اللي كيشبهو لكارعربيات.