كود – وكالات //

قال الرئيس الأمريكي دونالد ترامب نهار لاربعا أن الحرب مع إيران قريب تسالي حيث حسب كلامو “ ما بقا حتى هدف كبير يمكن يتضرب” ،وزاد ترامب  فكلامو مع  موقع “أكسيوس”:

“باقيين غير شي حوايج صغار.. و إلا بغيت نحبس الحرب، تقدر تسالي فديك الساعة” ، وذكر موقع “أكسيوس” أن ترامب لمح بشكل علني أن العملية العسكرية ديالو حققات بزاف ديال الأهداف ديالها، ولكن مسؤولين أمريكيين وإسرائيليين أكدو أن الرئيس الأمريكي مازال ما عطاش حتى تعليمات داخلية بخصوص الوقت لي غادي يتوقف فيه القتال.

من جهتو، صرّح وزير الدفاع الإسرائيلي يسرائيل كاتس اليوم  الأربعاء أن الحرب غادي تبقى خدامة  “بلا  مدة زمنية محددة”،  حتى يتحققو جميع الأهداف ويتحقق الرباح فهاد الحملة.

وقال المتحدث باسم مقر خاتم الأنبياء العسكري فطهران، إبراهيم ذو الفقاري، ان “سياسة الضربات المتبادلة سالات”، وزاد أن إيران غادي تبدا من دابا تنفذ “ضربات متواصلة”.

وزاد قال: “ما غاديش نخليو ايطرو واحد ديال النفط يدوز لمريكان و إسرائيل ولا لحلفائهم”، وكمل كلامو : “وجدوا راسكم باش يوصل ثمن برميل النفط حتى لـ200 دولار.