كود -وكالات //

علن الجيش الإسرائيلي، لاربعا ، أنه دار هجوم كبير فـ لبنان مني ضرب  100 هدف فـ 10 دقائق، وكيقول باللي استهدف “مقرات وبنيات تحتية” ديال حزب الله.

مراسل وكالة الأناضول قال باللي بعض المناطق اللي تقصفت فـ بيروت  فيها سكان مدنيين، اما حصيلة الضحايا ديال الضربات الإسرائيلية غير اليوم فلبنان هو 89 قتيل وكثر من 800 مجروح، حسب حصيلة أولية مازال ما سالاتش.

فـ نفس السياق، تم الإعلان على هدنة مؤقتة بين مريكان  وإيران لجوج سيمانات ولكن مكاينش شي خبار كتقول واش هاد الهدنة كتشمل حتى لبنان ولا لا، الرئيس اللبناني قال انه خدام باش يدخل لبنان فالمفاوضات ديال السلام الإقليمي اما إيران فهددات انها غا تنساحب من الإتفاق الى محبسش القصف على لبنان .