كود طنجة///

توصلت “كود” بشكاية من طرف مواطنة من حي بير الشيفا في مدينة طنجة تعرض ولدها لإعتداء.

وجا فالشكاية ان المدعوا ” فرعون بير الشيفا” تكرفص على ولدها مزيان وكان شوية ويقطع ليه يديه كيف ما كيبان في الصور لي توصلات بهم كود.

وحسب الشكاية فقد كان الضحية يتعرض للإبتزاز والتفتيش بشكل يومي في الحي من طرف المشتكى به، واللي كان يعمد لتفتيش جيوب الضحية وأخد محتوياتها وتهديده بأنه يبيع بيه للبوليس يجيو.

ويدعي فرعون بيرالشيفا أنه بياع ديال البوليس (بلا خبار البوليس) وأي واحد بغا فيه الخدمة دغية يسيفطو للحبس، وماشي هادي أول مرة لي غادي تجبد الهدرة على هاد خونا فقد سبق وظهر في فيديو شهير هاز جنوي وكيضارب مع شي حد في باب دارهم وتكرفص عليه، والسبب بحال ديما هو الإبتزاز وتهديد الساكنة بأنه غادي يسيفطهم للحبس.