كود سبور//

غتكون الدخلة فابور بالنسبة للتلاميذ اللي نجحو فالباك فماتش اليوم الجمعة بين اتحاد طنجة والجيش الملكي، برسم الدورة 30 والاخيرة من البطولة الاحترافية لكرة القدم.

وقررت إدارة اتحاد طنجة تعطي تذاكر مجانية لكل تلميذة وتلميذ ناجحين فالباك لحضور ماتش اتحاد طنجة ضد فريق الجيش الملكي فتيران طنجة الكبير هاد العشية، وكيجي هذا الشي بعدما ضمن الفريق البقاء بالقسم الوطني الأول من البطولة الاحترافية لكرة القدم، حيث صوفا الدورة اللي فاتت.

وغيبدا ماتش اتحاد طنجة والجيش الملكي مع 8 الليل، وهي مباراة غتحدد مصير لقب البطولة الاحترافية، حيث ليفار خاصهم يربحو باش يديو البطولة، وفحالة خسرو مع طنجاوة أو تعادلو مصيرهم غيكون معلق بماتش الوداد الرياضي المطارد اللي لاعب مع الماص.