وكالات//

هاجم الممثل الكوبي أوجاني نوا، الراجل السابق ديال المغنية الميريكانية – البرازيلية جينيفر لوبيز، الرابور شون ديدي، وقال هو لي كان سباب الطلاق ديالو من المغنية لوبيز.

ومعروف أن نوا كان هو راجل لوبيز، لعام واحد فقط، قبل مايتطلقو بجوج، والزواج ديالهم كان بين عام 1998 و1999.

وقال نوا، لي كان ضيف في برنامج “Despierta America” الميريكاني، أنه كام بخير وعلى خير مع مراتو لوبيز، حتى تسلط عليهم ديدي وبدا كيغريها بالملايين.

وأكد أن ديدي جا مع شركة سوني ووقع عقد مع لوبيز فيه الملايير صحيحة، وغراها أنها تدير ألبومات جيدة وهو شي لي ريب ليه الزواج ديالو.

ومشا بعيد كاع، وقال إن هاد الطلاق هو لي فسد ليه الحياة المهنية ديالو، وكان غادي يمشي بعيد ولكن الطلاق ديالو خلا بزاف ديال الناس ميتعاقدوش معاه.