گود سبور//

كشفت الممثلة الإسبانية من أصل تونسي هبة عبوك طليقة الدولي المغربي اشرف حكيمي نجم باريس سان جرمان الفرنسي، انه ما خانهاش عكس الإشاعات اللي كانت راجت ملي وقع هذاك الحادث اللي متابع فيه ففرنسا بالاعتداء الجنسي على فرنسية عام 2023، ووضحت طليقة اشرف حكيمي بلي هما كانو مفارقين من لوقع هذاك الحادث، يعني ما خانهاش، ونفات حتى داكشي اللي راج على انها كانت طامعة فيه وكانت بغات تدي له رزقو بالقانون فالطلاق وبسببها  كتب كلشي لماماه، وهذا الشي اللي كان نفاه حكيمي فتصريحات من قبل.

وردت هبة عبوك على هذا الشي ووضحت فتصريح لبرنامج “فولاندو فوري” نقلو موقع Foot01 الفرنسي، قالت فيه: “هاد الإشاعات ماشي بصح، والأمر بسيط بزاف، وماكانت حتى شي معركة قانونية ملي تفارقنا وكلشي كان أميكالمو”.

وكملت طليقة أشرف حكيمي، وقالت: “اللي صعيب هو تمشي لك الأسرة كلها، وكان الحلم ديالي نكون أسرة مع زوج وأب لولادي، وهذا الشي مشى ليا”.

واكدت عبوك طليقة حكيمي: “گاع اللي درتو على قبل ولادي وهما اهم حاجة عندي، وبخصوص فشل زواجنا، حنا دابا عائلة من نوع مختلف، وعادي يبقى هذا الشي ديما طول الحياة”.