كود سبور//

كشفت الممثلة الإسبانية من أصول تونسية هبة أبوك طليقة الدولي المغربي أشرف حكيمي على الأسباب اللي خلاتها تسالي زواجها معاه وتطلق منو، وأن القضية فيها الخيانة الزوجية.

وخلال المرور ديالها فبودكاست معvicky martin، هضرت هبة أبوك على حياتها الشخصية وأكدت أنها متحفظة بخصوصها بزاف، وهي حرة ومن حقها باش ما تخليش اللي جا يهضر فيها، ولكن كشفت أنها ما كانتش عايشة مزيان وقالت: “عشت أسوء عام فحياتي وسالا هذا الشي، دابا أنا مزيانة، ووقعو بزاف ديال الحوايج العام اللي فات وبزاف ديال الحوايج تبدلو”.

وكملت طليقة أشرف حكيمي: “كيفاش تقدر تخرج من هذا الشي؟ خاصك تفكر بزاف وتراجع هاد الشي مع راسك ومعه حتى هو، الخيانة كتقتل الحب، نقدر ندوز الخيانة الزوجية ونسامح وسامحت شحال من مرة، حنا كنغلطو ولكن المسامحة شي حاجة صعيبة وخاصك تورك على راسك، دوزت وقت صعيب، وكنت عيانة وكان الفراق قرار صعيب، حيث درت كلشي على قبل عائلتي وعائلتي تقسمت”.