كود كازا//

فمدينة إيتشيكاوا فاليابان، ولى قفز صغير وسط جردة  ديال حيوانات مدينة إيتشيكاوا كيقصدوها الزوار بسبب قصة مؤثرة بين قرد مكاك ياباني صغير سميتو بانش ومونيكة أورانغوتان عامرة ، بانش تزاد قبل سبعة شهور، ولكن مو نفراتو مني تزاد، وهاد الشي خلا العساسة يتدخلو بسرعة باش يتهلاو فيه  ويعطيوه لامان والحليب فهاد المرحلة الحساسة.

لي مقابلين  حديقة الحيوانات قلبو على شي حاجة تعوض ليه مو، و اختارو مونيكا على شكل  قرد أورانغوتان ليمونية من شركة IKEA ،لي فيها زغب طويل وساهل يتشد فيها، وهاد الشي خلا القريد  يربي عليها الكبدة  ويحس بها بحالا مو ، وولات كتعطيه شعور مزيان وتعاونو يقوي عضلاتو.

من داك النهار، بانش مبقاش مع مونيكتو لي كيظيها معه فين ما مشا ، وخا كبيرة عليه  الفيديوهات ديالو انتشرو بزاف فالسوشل ميديا، وناس بزاف ولاو كيجيو غير باش يشوفو هاد الثنائي لي كيحرك المشاعر وكيذكر بقيمة الحنان حتى فحياة الحيوانات.

الحراس كيظنو أن الحرارة لي طالعة  فالصيف هي لي خلات الأم تتخلى عليه، ولكن كيأكدو أن بانش بدا كيندمج شوية بشوية مع باقي القرودة  وكيتمنّاو يجي نهار ما يبقاش محتاج المونيكة، ويقدر يعيش بثقة وسط المجموعة ديالو .