كود – وكالات//

انتشر فمواقع التواصل الاجتماعي مؤخرا واحد تراند اللي معروف باسم “تحدّي القلب الياباني Japan heart “واللي بدا تراند من جاپون وولا شايع فالإنترنت بملايين المشاركات فالعالم كامل.

البداية كانت فـ31 مارس 2026، ملي وحدة فـمنصة “إكس” نشرات صورة ديالها محنية جامعة رجليها فشكل قلب بطريقة فنية ، من بعد شدّات هاد الفكرة راقصة كوسبلاي يابانية مشهورة سميتها “كاثي” (@kykyky618)، ونشرات حتى هي الصورة ديالها فالتحدي، وهكا عطاتو الاسم ديالو وزادت شعلاتو، بحيث الصورة ديالها وصلات لكثر من مليون و200 ألف مشاهدة فواحد الوقت قصير.

من الناحية العلمية، هرمون الإستروجين كيعطي للمرأة مرونة طبيعية فالأوتار والروابط، ومع الحوض عندها كيتحرّك دغيا، هاد الشي كيخلي هاد الوضعية ديال القلب أسهل وأجمل عندها من عند الراجل.

حتى المغاربة ما بقاوش بعاد على هاد الموجة الرقمية، بزاف منهم جرّبو التحدي وشاركو الصور ديالهم فمواقع التواصل، فمشهد كيبين بلي الشباب المغربي مندمج مع الثقافة الرقمية العالمية.