وكالات //

مع المصريين غير غادين ويطلقو في عيالاتهم وعندهم كلمة “إنت طالق” بحال شريب الما، الأزهر ناض تدخل في الموضوع لي بدا كيخرج عندهم على السيطرة، خصوصا أن العلماء صدعو ليهم راسهم بالفتاوي.

الأزهر نصح الرجال باش ما يبقاوش غير غاديين وكيطلقو، ولي طلق شفويا خاصو يمشي يوثقو في المحكمة، ويعطي لمراتو حقوقها، وفي نفس الوقت يعطي لولاد حتى هوما حقهم.

هاد التفاعل ديال الأزهر جا بسبب اللغط لي ناض على صندوق التكافل لي بغات تفرضو مصر على ليكوبل لي باغين يتزوجو، ولي قالت أن العائدات ديالو غادي تخصصهم لضحايا الطلاق.