وكالات//

3  ديال الموظفين في العاصمة التركية أنقرة قتلو الموسيقار والمطرب التركي، أونور شنر، بعدما رفض يغني ليهم أغنيتهم المفضلة في الحفل لي كان داير.

الحادثة وقعات نهار الأحد لي فات، وقالت السلطات أن الرد ديال المغني استفزهم بعدما قال ليهم أنا عارف اشنو غادي نغني ما تدخلوش في خدمتي، وهاد السبب لي خلاهم يهجمو عليه باستعمال لقراعي ديال الجاج وتسببو ليه في ضربة خايبة في العنق.

الهجوم لي سالا بجريمة قتل وقع وسط الحفل وقدام الجمهور لي حاول باش ينهي لمضاربة ولكن بلا جدوى، وحتى البوليس وصل لعين المكان في وقت متأخر.