كود -سبتة //

رفضات السلطات الإسبانية أول طلبات اللجوء اللي تقدمو بها 30 مغربي على الأقل كانو كايسكنو فـ مركز الإقامة المؤقتة ديال المهاجرين فـ سبتة (CETI)، حسب مصادر مطلعة نقلات عنها جريدة El Pueblo de Ceuta.

ومن نهار كايتبلغو بالقرار، عندهم 10 أيام باش يخويو المركز بشكل طوعي. وإذا ما امتثلوش للقرار، فالظروف العادية كيتم نقلهم لمركز احتجاز الأجانب، كخطوة قبلية لإرجاعهم لبلادهم .

ومع ذلك، كاايبقى عندهم الحق يقدمو طعون أو مطالبات جديدة، خصوصاً إلا كان عندهم أدلة أو معطيات ما تقدموش بها من قبل، الشي لي يمكن يحبس عملية الترحيل.

وحسب المعطيات اللي حصلات عليها الجريدة، كان مركز CETI فـ سبتة كيضم حتى نهار الثلاثاء 779 واحد، من بينهم 591 مغربي، و73 جزائري، أما الباقين جايين من دول أخرى كتكون عند مواطنيها فرص أكبر للحصول على الحماية الدولية، بحال اليمن وأفغانستان وفلسطين وعدد من دول إفريقيا جنوب الصحراء.

الميثاق الأوروبي ديال الهجرة واللجوء (PEMA) ديال هاد العام كيدرج المغرب ضمن لائحة الاتحاد الأوروبي ديال “الدول الثالثة الآمنة”.

وبناءً على هاد التصنيف، كتعتبر منظمات غير حكومية  أن فرص المغاربة اللي كايدخلو لإسبانيا باش يحصلو على الحماية الدولية ضعيفة بزاف، خصوصاً وأنهم ما يقدروش، بشكل عام.