كود سبور//
أكد محمد طلال الناطق الرسمي ديال الوداد الرياضي، أنه بالفعل الفريق الأحمر باغيين يجيبو حارس مرمى نهضة بركان والمنتخب المغربي منير المحمدي، باش يشارك مع ممثل المغرب فكأس العالم للأندية “المريكان 2025″، وقال آيت منا قالهم بلي كاين اتفاق شفوي بهذا الخصوص.
وسول جورنال “گود”، محمد طلال بعد الاجتماع اللي كان لهشام ايت منا والمكتب المديري للوداد الرياضي مع منخرطين النادي وهو الاجتماع اللي كانت فيه اكثر من 5 ساعات بمركب بنجلون، وما سالا حتى للساعات الاولى من صباح اليوم الجمعة، (سولو) على واش هذا الشي صحيح اللي كايروج عن إعارة نهضة بركان لمنير المحمدي للوداد فالمونديال، ووضح والناطق الرسمي ديال الواك وقال: “اليوم أكد لنا الرئيس أنه ممكن الاستعانة بخدمات منير المحمدي من نهضة بركان للوداد خلال مونديال الأندية وكان هناك اتفاق كايبقى شفوي حيث مازال ما كاينا حتى حاجة مكتوبة، وهذا الشي اللي تقال على لسان الرئيس”.
ومن المنتظر تشكل صفقة منير المحمدي إذا كملت، قوة للوداد الرياضي خلال المشاركة ديالو فكأس العالم للأندية فالمريكان عام 2025، وهي المسابقة اللي معولين الوداديين والمغاربة على الواك يشرفو فيها المغرب.