وكالات//

قال الجورنال ديال “الغارديان” البريطانية أن كوريا الشمالية ربحات بزاف ديال الفلوس هاد العام من التصدير ديالها للشعر الاصطناعي، المعروف بالبيروك.

وأكد الجورنال أن كوريا الشمالية كتبيع غير لسوق وحدة في العالم هي الصين، بسبب العقوبات لي مفروضة عليها بسباب النظام ديالها والبرنامج النووي ديالها.

وقال كذلك، أن كوريا الشمالية صدرات في عام واحد كثر من 1800 طن ديال هاد الشعر الاصطناعي للصين، والصين من جهتها كتصدرو للعالم.

وكتربح كوريا الشمالية ملايين الدولارات من هاد الصناعة، لي كتبيعها الصين في العالم كامل ولكن كتكتب عليها “صنع في الصين” باش يشريوها الناس ومتخضعش للعقوبات.