كود – كازا ///

قالت جريدة “أ ب ث” الإسبانية، أن لاگوارديا سيپيل شدو، مؤخرا، مواطن مغربي في توريخوس متهم بمحاولة قتل مراتو السابقة قدام ابنهما البالغ من العمر 9 سنين. هاد الدري وصفاتو عدد من التقارير بأنه شجاع بعد ما قدر يعتق الأم ديالو من جريمة قتل.

وأضافت التقارير ذاتها، أن الطفل المغربي غير شاف الواقعة قدام عينيه وبدا كيغوث بجهد، وتسمعات صرخة استغاثة الصبي، من البالكون ديال الطابق الثاني إلى القشلة القريبة ديال  الحرس المدني في توريخوس.

وفور سماع صرخات الطفل، هرع عشرات من رجال الحرس المدني إلى المبنى وقدرو يشدو الزوج السابق للضحية، اللي كان سكران وحاول الهروب في طوموبيلتو، بعد محاولته ارتكاب جريمته. وتم حبس المشتبه فيه، اللي بدوره يحمل الجنسية المغربية.