وكالات//

دخل واحد الدري هندي عايش فسنغافورة سميتو أشواث كوشيك تاريخ رياضة الشطرنج العالمية بعدما ولا هو أصغر لاعب ديال الشطرنج كيربح أستاذ محترف.

هاد الطفل الصغير ربح واحد الأستاذ من بولندا سميتو داسيك ستونبا وعمرو 37 عام، فبطولة دولية ديال المحترفين تدارت فسويسرا.

وعلى حساب ماقالت تقارير صحفية فهاد الولد لي ولاو كيطلقو عليه “الطفل المعجزة” وصبح أصغر واحد كيربح حينت عمرو غير 8 سنين و5 أشهر و3 أيام وهو أصغر بـ5 أشهر من دري صغير آخر ربح فبطولة ديال المحترفين.

الطفل الهندي كمل الكومبيتيسيون في المركز 12، وهو دابا كيقول أنه كيحلم يولي بطل العالم فهاد الرياضة.