وكالات//

حيد البرلمان ديال بولندا الحصانة على واحد البرلماني سميتو جريجورز براون وهادشي كيمهدو ليه باش يحاكموه بعدما طفا الشمعدان ديال ليهود فالعيد د”حانوكا” لي داروه يهود بولنديين في البرلمان دالبلاد.

وكان هاد البرلماني دار البوز ديك الوقيتة بعدما جبد واحد الطفاية لي كاينا فمقر البرلمان وطفا دوك الشموع لي كاينة في الشمعدان ومنع اليهود من الاحتفال بالعيد الديني ديالهم داخل البرلمان.

وزاد النائب وقال أن هاد “الاحتفال شيطاني” وماخاصوش يبقى فالبلاد ديالنا، ومن بعد قال أنه مانادمش على الفعلة ديالو وغادي يعاودها.

دابا المدعي العام ديال المدينة لي كيسكن فيها براون قال أنه غادي يتابعو بسبعة ديال التهم من بينها تخريب ممتلكات عامة وارتكاب أفعال مسيئة لمعتقدات دينية.