عمر المزين – كود//
هاد اليومين نايضة الهضرة بزاف على مدرسة الأخوين فافران اللي طردات تلاميذ خلال الموسم الدراسي الحالي 2026-2025، و16 تلميذ توصلات عائلتهم بإشعارات من إدارة هاد المدرسة تؤكد ان ولادهم غير مقبوليت بسبب اعتراضهم على الزيادة “المفاجئة” فرسوم التدريس.
طرد هاد التلاميذ دار بوليميك خاوي، كاين اللي ربط الخطوة اللي أقدمت عليها إدارة مدرسة الأخوين بوجود والد أحد التلاميذ بقطاع غزة اللي ديما كيمشي ليها كطبيب لمساعدة الأطفال المصابين فالحرب.
مصادر هضرات معها “كود” أوضحت باللي هاد الهضرة خاوية ومعندها حتى أساس، داعية الآباء وأولياء التلاميذ باش يحلوا هاد الاشكال مع الإدارة كيف شرحات ليهم من قبل بعيد على كلام خاوي وذلك بهدف التأثير على الإدارة بهاد الطريقة.
أولياء أمور هاد التلاميذ كانوا أكدو باللي المدير ديال مدرسة الأخوين “إيمانويل لاكوست فرض الزيادة عليهم تحت الابتزاز والتهديد، متهمين إياه أنه معندوش الكفاءة العلمية والتربوية باش يكون مدير وكان محط انتقادات كبيرة فالولايات المتحدة خلال إشرافه على التدريس هناك.
حق التلاميذ فالدراسة حق مشروع حتى حد ميمكن ينكروا لكن خاص الآباء مايربطوش سياق المشكل بسياق آخر يقدر يكون عندو تأثير آخر على مستقبل ولادهم، لاسيما أن جهات سياسية بدات كتزيد تروج لهادشي.
